|
ARUSHA
E MADHE DHE ARUSHA E VOGËL
Janë yjësi që shihen në qiell afër
Polit Verior të botës. Ngjajnë më shumë me një tigan me bisht, ose me një
qerre. Populli ynë i ka quajtur këto yjësi edhe me emrat Qerrja e Madhe dhe
Qerrja e Vogël. Yjësitë e Arushës së Madhe dhe Arushës së vogël janë më të
njohurat edhe gjenden fare lehtë në qiell çdo natë të kthjellët të vitit.
Arusha e Madhe përbëhet nga 7 yje të ndritshëm: 4 prej tyre formojnë një
katërkëndësh (“trupin” e Arushës), ndërsa 3 të tjerët formojnë “bishtin”. Në
majë të bishtit të Arushës së Vogël gjendet Ylli Polar, që tregon drejtimin e
veriut. Për të gjetur me lehtësi Yllin Polar në kupën qiellore, veprojmë në
këtë mënyrë: zgjasim me mend vijën që bashkon 2 yjet e fundit të katërkëndëshit
të Arushës së Madhe, në 5-fishin e largësisë midis këtyre dy yjeve dhe do të
gjejmë Yllin Polar.