|
GALAKTIKA
(Nga fjala greke γαλαξίας [galaksias] )
Dielli dhe Toka jonë i përkasin një
bashkësie yjesh dhe planetësh që formojnë Galaktikën tonë. Larg në qiell
ekzistojnë edhe bashkësi të tjera yjesh e planetësh. Shumë nga këto galaktika
janë tepër larg dhe ne nuk i shohim dot me mjetet e sotme. Numri i tyre është i
pafund. Gjithësia përbëhet nga një numër i pafund galaktikash, shumica e të
cilave gjenden më shumë se një miliard vjet-dritë larg sistemit tonë diellor.
Të gjitha ato kanë përmasa shumë të mëdha, njëlloj si galaktika që ndodhemi ne
dhe që përfshin të paktën njëqind miliard yje dhe planetë. Diametri i
galaktikës sonë është 100.000 vjet-dritë dhe Dielli ynë gjendet 30.000
vjet-dritë larg qendrës së saj. Këto largësi janë aq të mëdha saqë është e
vështirë t’i përfytyrosh.